مو جنك انتة بعيد جن عايش وياي ... عكبك صدك غصيت ونتظرك الماي
______________
حزنانة كل عظاي ماذيهه فركاك ... تتعالج ويالموت طيبتهه ملكاك
_________________
تريله ألك بوسات تحملها العيون ... حضر عشر عمال بس للينزلون
___________
قلبي التولع بيك انغلق بابه ... وغيم عليه الضيم مثل السحابه
_______________
عبوه زرعت بالروح يم ضلعي الايسر ... لو مر حبيب الروح تطك وتفجر
_______________
هاك الكلب مرخوص من عندي اشلعه ... شيعته كبل سنين ميدك واسمعه
________________
بس احنة وكت الضيج خوتنة زينه ... نمتد جسر للناس تعبر علينه
_________________
كل دكة كلبي يصيح باسمج يحلوة ... خليني اشوفج يوم مو كافي قسوة
_______________
حلو الوطن يحباب رايتنة وحدة ...ايد وي ايد انسير كلحنة ولدة
________________
امي بتوالي الروح أتهجه اسمج ... اتنافض من الموت لو شفت رسمج
_______________
البشر طبعه الغدر من ياكل الجمار ... ينكر احسان النخل ويذب السعف بالنار
_______________
لوتدري بيه اصار من كثر الهموم ... بس رسم فوك الكاع سترتني الهدوم
______________
اليمك حجالك زور مرلي وحجالي ... بس مافهمته اشكال جنت اعله بالي
_________________
طيب عساك بخير وبصحه زينه ... وياربي سالم دوم وتمر علينه
_______________
خوتنه انه وياك كلش طويله ... وادري الحمل لو طاح انته التشيله
_______________
تكدر عساك اتشيل احمول ألأثكال ... وذراعك انه وصيح تلكاني خيال
_________________
حط ربعك بغربيل بيام المصاب ... غربل وشوف شلون مغشوش الاصحاب
ـــــــــــــــــــــــــــــــــــــــــــــ
الجواب
غربلت ماخليت كل المشه وياي ... من المنخل يطيحون اسرع من الماي
الجواب
موربعك البلضيج كلهم يطيحون ... لازم يصحلك زين تلكا الك عون
الجواب
منخل والف غربيل لحبابي هزيت ... كلهم صفو بالكاع بس انته ظليت
الجواب
غربلت كلمن جان بالخوه راقي ... عاينت بالغربيل بس انته باقي
_________________داوي الجروح البيك من ضحكت اشفاك ... ولاتنقهر عالراح والكدر ينساك
______________ندهتني تالي الليل نتحاسب الروح .. تاليها ما عديت مية امن الجروح
:::::::::::::::::::::::::
ما صدكت ياحيف روحي ابهذني ... كالتلي جم اصواب ظميته عني
::::::::::::::::::::::::
كلتلهه فد أثنين هذا اكلف اصواب ... والثاني ما ينشال خليته بالباب
::::::::::::::::::::::::::
كالتلي ما سويت زين ويه روحك ... فشله بطريج الناس عايف اجروحك
::::::::::::::::::::::::::::::::::
صارت غشيمه الروح موش اعله هدكم ... تحسب قهر وجروح كامت بعدكم
_____________
خاربت حته الروح بمحاسبي وياك ... شو طلع نص مثقال صافي التعب ذاك