شعر عراقي راقي

صفحه)116 ( - سطر) 1(
( مسألة 309 ) : كل جناية كانت فيها دية مقدرة شرعا سواء أكانت بقطع عضو او
كسره او جرحه او زوال منفعته ، فان كانت الدية اقل من ثلث دية الرجل فالمرأة
تعاقله فيها وان كان بقدر الثلث او ازيد صارت دية المرأة نصف …

[ قراءة كاملة ]

صفحه)98 ( - سطر) 1(
( مسألة 223 ) : لو أدب الزوج زوجته تأديبا مشروعا فأدى إلى موتها اتفاقا قيل:
إنه لا دية عليه كما لا قود ، ولكن الظاهر ثبوت الدية وكذلك الحال في الصبي اذا
أدبه وليه تأديبا مشروعا فأدى إلى هلاكه .
صفحه)98 ( - سطر) 4( …

[ قراءة كاملة ]

صفحه)84 ( - سطر) 1(
( مسألة 135 ) : اذا كان للمقتول أولياء متعددون فهل يجوز لكل واحد منهم
الاقتصاص من القاتل مستقلا وبدون اذن الباقين أولا ، فيه وجهان : الاظهر هو الاول.
صفحه)84 ( - سطر) 4(
( مسألة 136 ) : اذا اقتص بعض الاولياء فان رضي …

[ قراءة كاملة ]

صفحه)65 ( - سطر) 1(
( مسألة 29 ) : إذا قتل رجلان رجلا مثلا ، جاز لاولياء المقتول قتلهما ، بعد أن
يردوا إلى أولياء كل منهما نصف الدية كما أن لهم أن يقتلوا أحدهما ، ولكن على
الآخر أن يؤدي نصف الدية إلى أهل المقتص منه ، وإن قتل …

[ قراءة كاملة ]

صفحه)52 ( - سطر) 1(
( مسألة 262 ) : لو قتل المحارب أحدا طلبا للمال ، فلولي المقتول أن يقتله
قصاصا اذا كان المقتول كفوا ، وان عفا الولي عنه قتله الامام حدا ، وان لم يكن
كفوا فلا قصاص عليه ، ولكنه يقتل حدا .
صفحه)52 ( - سطر) 4(
( مسألة …

[ قراءة كاملة ]

صفحه)44 ( - سطر) 8(
( مسألة 218 ) : لا فرق في ثبوت الحد بين شرب الخمر وإدخاله في الجوف وإن لم
يصدق عليه عنوان الشرب كالاصطباغ وأما عموم الحكم لغير ذلك كما إذا مزجه بمائع
آخر واستهلك فيه وشربه فهو المعروف بل المتسالم عليه بين …

[ قراءة كاملة ]

صفحه)35 ( - سطر) 7(
( مسألة 154 ) : الزاني إذا كان شيخا وكان محصنا يجلد ثم يرجم ، وكذلك الشيخة
إذا كانت محصنة . وأما اذا لم يكونا محصنين ففيه الجلد فحسب وإذا كان الزاني
شابا أو شابة ، فانه يرجم اذا كان محصنا . ويجلد اذا لم يكن …

[ قراءة كاملة ]

صفحه)17 ( - سطر)12(
( مسألة 63 ) : إذا ثبتت الزوجية باعتراف كل من الرجل والمرأة وإدعى شخص اخر
زوجيتها له ، فان أقام البينة على ذلك فهو ، والا فله إحلاف أيهما شاء .
صفحه)17 ( - سطر)15(
( مسألة 64 ) : إذا ادعى رجل زوجية امرأة وهي غير …

[ قراءة كاملة ]

القضاء والشهادات والحدود والقصاص والديات
فتاوى مرجع المسلمين زعيم الحوزة العلمية السيد ابوالقاسم الموسوي الخوئي

بسم الله الرحمن الرحيم الحمد لله
الذي أنار للمؤمنين سبل دينه ووفق الصالحين للسير على منهاج شريعته
…

[ قراءة كاملة ]

يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية

السبب مو بالي تدرس :: بالبستها
وعطر جوري اشمك :: بالبستها
تكلي ما بستها :: بل بستها
وبوستها لهسه اتبوس بية

يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية

عجب بنجين تلعب واني سيتك
وامس بالضيج طايح وانسيتك
اضل دوم بذكركم وان نسيتك
حشم مطلوب اضلك للمنية

عسا حد سيفة ابنحري...عساكر
اويتيه احساب طعناتة...عساكر
انة الجنت اهد لجلك...عساكر
تلمني اوبية هسة اتهد علية

و حـك المحـه بعـزه محلات
شفافــك عسـل مـن ربك محلات
الك بكلبي على الشارع محلات
محل شوك و ورد وشاعريه

هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية

أنيـاب الدهر بية خذت لوكات
وجرى دمعي شبيه السيل لوكات
ماريـد اليجيني بيسر لوكات
اريد البالعسر يندك تجيـة

حـرت شختار غير اني احبك
دخـت ملكيت غير اني احبك
اعيبه الكال غير اني احبك
وعيبك لوتحب انته عليـه

الف شاط الدرة بضيمي والف راك
وغرامك فش جرح كلبي ولفراك
وعلي امن اذكر ايامك ولفراك
اكول اشوايت الله اعلة المنية

طحـت ما حرك اجدامي وديني
ولعد العذال مصلحتي وديني
علي يا عروة الوثقى وديني
بظهر غوجك يمير التفت لية

بسمار أخدود وجهك حللوني
عليك وعلي الجايك حللوني
تدري شلكـوا لمـن حللوني
ألك صورةاعلة كل شريان بية

عجب كل يوم تتراخة وجلباك
الدغش فكا على كلبك وجلباك
نخيت كمت تتمضحك وجلبك
عرك وجهة وبجة اعلةلصار بية

يبو ياسر اريد انخاك وياي
احبن والاحبـه شـاد ويـاي
ازوره كربلا لو صفه وياي
رايح جاي مصروفه عليه

شعجب يفلان ردك ماكو منه
شحنك لو رصيدك ماكو منه
يكولون ابو ياسر ماكو منه
شاعر مقتدر مارد عليه

ياخويه لاتظن مسرور بعداك**
وعسه سهم الزهر يندار بعداك**
شيطفي الكلب من نار بعداك؟؟
يطفيهه الوكت من ترد اليه.

وحك سورت الم نشرح والف لام
وبعد ماتنفع اعذارك ولفلام
الف منعوني عن حبك والف لام
وعشر تالاف بس تحجي عليه

تعالوا و شوفو حالي شلون يندار
دم مو دمع من العين ينــــــــدار
دعيت اعليك حبي بيك ينــــدار
انرفضت دعوتي و ركبت علية

بجهنم ارد اذب روحي وصلها
بسبب محد من احبابي وصلها
الخوه ضاع معناها واصلها
واصبح كل خوي ناكر خويه

يظن البيه لكن مات ظنه
اشعمل بيه انا افراگه ماتظنه
اخوي الناس گالت مات اظنه
شچذب الناس ودفنته بديه

فضلك زاد عن حدنه وسرنه
وسلكنه دروب من طيبك وسرنه
حبك حيل قيدنه وسرنه
والف شباج حط حبك عليه

العمر ماي وتبدة غفل ونجب
وغديت اعثر وطيحن وكع ونجب
الوكت من زمخ كتلة الصم ونجب
خزرتة بغيض من عاين علية

اعيونك ادري بيهن عل مناية
ونايك لا تعلمة عل مناية
انا المفطوم كبلك عل مناية
وتكلي اليوم خاف من المنية

*********
فزع كلبي اعلى حبك شوك ليلة
وخلينا بهواك نعيش ليلة
اذا قيسك صبح مجنون ليلة
ترى انا بحبك انجن كل مسية

********
بين اضلوعي شلتك ما هملتك
وبقيت بجفن عيني ما هملتك
حسبالي الخيانة ماهي ملتك
لجن هسة اتضح كلكم سوية

قهر حبك حبيبي عسل وي جوز
وربك مايتوب الكلب ويجوز
تريد انساك بس بالموت ويجوز
تلمنه الاخره ونرجع سويه

قفل حبك بكلبي سكراني
وماي السان حلكك سكراني
ابشرك صار بيه سكر اني
حلاة شفايفك عمن عليه

بحر فركَاك يرهب ونعومه
البجالي صياح صيّح ونعومه
وحك َ ذيج الترافه ونعومه
العله خدودك جلد وعضام بيه

وك جرى ميك على ميي ولا زاد
سگيتك من دمع عيني ولا زاد
ملح الما غزر بعينك ولا زاد
طلع ساسك رمل وانهدم بيه

جدمي شله هجركـــ ماتخطه
وبكلبي سهم غدركـ ماتخطه
يدفان أعله الكبر اسمي ماتخطه
وادفني عدل شمتاني بيه

كلبي اتولع بحبك...ولع تاب
واناطر منك امسامر..ولعتاب
على بابك وكفت انة ..والعتاب
اكلك ليش؟واتكلي اشبدية

بدرب مسدود ومتيه محـله
ادموعي جم ذنب كلبك محله
بعد طير بضباب ابدا محـله
ولا اظن بعد نتلاكه سـويه

غيابك خلخل اعضامي.. وهدهن
وجر حسرات ببعادك.. وهدهن
آلي دمعات لو ابجي.. وهدهن
تفيض اليابسة ونغرك سويه..

دبت دب العبرجل دبت برجاه
تخطى وناقل العرجون برجاه
تحت زيجك يناهي البيض برجاه
مشامش قيس وبأرض التقيه؟؟؟

ظلي انتي بغرورج ظلي ظلي
وظلي انتي بظلالج ظلي ظلي
وظلي انتي بظلالج ظلي ظلي
وظلي انتي بظلالج ظل اليه

(يا مناصب)
أعلة موت الحب مئآَتم يامة ناصب
عليك أدموع ليلي يامة نا صب (أنا أصب)
تكـَلي أحتل مناصب يا مناصب
دولتك صعبة وأسوارك قوية

لبس جرغد حبر مصبوغ يومين
وبعينه يسبح الجرار يومين
طرف زلفه نكد للخيل يومين
وخاف اجذب وصل كركوك فيه

لبس جرغد حبر مصبوغ بانصاف
وبعينه يسبح الجرار بانصاف
يابن اختي مو هيج الجذب الجذب بانصاف
طرف الزلف عالوجنات فيه

دخيلك كلبي بيدك..لا تهده
وصرح جنت انه اشوفك..لا تهده
ضيمك جالحزن سكره..لا تهده

امس وانه بحلات النوم.. شفتك
ودخيلك موتتني هواي.. شفتك
ردت بوسه وكلت لي بعيد.. شفتك
لان شفتك صفت ميلاد اليه

زماني دوم كارهني..وكرهه
الحمام سراب متبعثر..وكرهه
تبت ماعيد انه الغلطه..وكرهه
لان خرسانهم صيحوا عليه

بتهوفن أخذ وني سوا ناي
وأسف ظن بحسن نيتي سواناي
أستعجل ما طبخ لحمي سوا ناي
وأجت شمات تتفرج علية

زرعت الطيب بيك وابد == بشــّر
ومحصولي صفه النكران == بالشر
اذا ترجع الي باخلاص == باشر
على المنهج هواك وبس اليه

مرة احسب احبابي مرة اعدهم
وتمطر طيب روحي من رعدهم
مرة الكلب عندي ومرة عدهم
روحين بكلب صرنة سوية

لساني يعجبك بطكهن ملك لك
وزودي البية مو مني ملك لك
اذا ربك بعث حارس ملك لك
اخطفك انت والحارس سوية

حبك بالكلب غالي وشلته
ودمعي بيوم هجرانك وشلته
احب كلبك وصحبانه وشلته
واحبك حيل يالمبعد عليه

بثوب العوز اجيتك وانه داوي
بلهيب النار اطفي وانه داوي
جرح الكلب ينزف وانه داوي
اداوي الجرح والعله خفيه

ليالي السود حته اسمي محنه
بسبب دهري علي ارجف محنه
حبيبي شبيك ما عندك محنه
ولك بس بالنفاهه تمر علية

احبك من كلب ولسان ينسام
وجمالك بالذهب والمال ينسام
انه بسمج اريد الكلب ينسام
لان اسمج يرد عافيتي اليه

ما شايف مثل شكلك ولا ماس
انت اللا ذهب مثلك ولا ماس
انه المابيه نص طكه ولا مس
صرت مجنون من نظرك اليه

اعد اجروح كلبي مايه عدي
ولهسه الفرح صدّك مايه عدي
اكل للحزن عدي مايعدي
يدوس اعله الجرح ويعم عليه

حبيبي خلاف عينك مالمعنه
واسألك هذا كلبك ماله معنا
الحجي كله بغيابك ماله معنى
لانك بالكلام اتذوب بيه

صفه لغيري زمنة ..ما صفنه
ومايك دومة خابط ..ما صفنه
رغم يسبي جمالك ..ما صفنه
صفنة عله الشفايف جه بليه

كبل ما يون كلبك ..ونته بيه
شلون تريد اعوفك ..ونته بيه
ولك كلبي انت امه ..وانته بيه
ويتيم يصير اذا رحت من اديه

شربت الجاي مرمر ..بستكانه
ولا ظليت كاعد ..بستكانه
سبع بوسات يسمر ..بستك انه
ولا اشبع اذا اوصل الميه

مثل لوياى ماضنن بشر لاى
ومزن دنياى بس تمطر بشر لاى
ابمصابى مافزع وسعف بشر لاى
ملك الموت اجه فزاع اليه

اعيوني لشوفتك ركضن وجداً
واريدك مو لعب فعلاً وجداً
وانه اهـــواك عن اباً وجداً
واحبك من عصور الجاهليـه

.
عشرتك سودة لكن ماطلتني
ولو بجفوف غيرك ما طلتني
اجفوفك جي كَصيرة ماطلتني
كَصير انته وكَلت حامض عليه
.
اخذ مرسال من كَلبي ورد لك
تشوف بكل حرف يطلع ورد الك
شنو اكتب حتى اوفيلك وارد لك
واسمعنك شعر وترد عليه

تظن نفسك تضرنا....من تضر من
وعلى طلعة جيوشك.... منتظر من
تسأل وانه اجاوب.... منتظر من؟
نموذج من شعب كله حميه

ماله البخت مايل مال حظنه
وفرح مرة ابدربنه مالحظنه
الولف مو مال اعوفه مال احظنه
وأبوسه ابشفته لو صح أباديه

الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه

جنت لابس فرح ياكلب شعراك
وكمت تكتب بطور الحزن شعراك
امس سبوره ياهراس شعراك
وصرت مرمى الطباشير المنيه

برخص سود النوايب عاملني
وعمايل سود بيه عامل أني
عكب ما جنت سيد عامي لني
ابهواك اوشورت بجفاك بيه

دمعي عليك فايض وين أكته
وتطيح دموم منه وي نكته
أناشد دوم واسأل وينك أنته
تعال الفاتحه أقراهه عليه

كظيت سنين عمرك ظالمني
وانه عقلي بصدودك ظال مني
تكلي شظال منك وظال مني
فقط مجرى النفس تلكاه بيه

جـذب جفـي بعـدكم يـومي لأحد
وهواكم وينة حدة يو مالة حد
أنة لـو ما اجيـكم يوم الاحد
الأثنين أمن الصبح لطمو علية

تضل تبجي لون تسمع معاناي
وغنة لو سولفت همي مع ناي
المصايب ترجمـن بية معاني
كلمن فكر ياخـذ درس بيــة

وحـك التحكـم الـوادم بعدلا
الكلب مثل النجم عنك بعد لا
مـد ايـدك ودورنـي.. بعد لا
تجد ذرة محنة اِعليـك بيــة

انة لمايوم هيـم الظيم بجا
وانة لبس خوف رب الناس بجا
ألهج بـ لعجل بـ لعد بـ جا
عراقي وشاده العالم عليـة

احب مجنون لو كلك وعرباك
كرد ما تلحك اوصافك وعرباك
افصلك بالشعر جمله واعرباك
واتبعك بالعطف غصبن عليه

انه بروحي مرارة علج بستك
ترد روحي لون بشفاك بستك
والك طار الكلب بجناح بس تك
كسر جنحة الهوة ومارد الية

يهل روحك على الطيبات تربه
وعلى دربك تظل العين تربه
يريت اكعد على مصلاك تربه
وابوسك من تحط وجهك عليه

شريط الشوك بالدلال سطرة
وكلامك لو تريد اوياي سطرة
سطرت الروح من فركاك سطرة
لحد الآن ظل يغمة علية

زنجيل ابوذيهمن كتاباتي

بعد لتثير حبك ماتهمنه
وبعد منهو بغرامك ماتهمنه
واذا مره ضحكنه مات همنه
لان شفاف طبعي ماسه لوني
وانه السليت ربعي ماسلوني
صرت هسه بحياتك ماسلوني
بعد ماريد اعاتبكم ولاسن
جبل حبك طلع تله ولا سن
عفت قانون كل عشكك ولا سن
لان دستور طبعي منهج اني
وبعد بس الملامه منه جاني
ولا همني اليدردم من هجاني
شتظنه يروم وصلك من تعله
وبعد منريد وصله من تعله
شعلك ياطبيبي منته عله
وتجازيني بعد كلبي وتسله
وظل اللعب عله جروحي وتسله
وعليش تخاف جر سيفك تسله
واخذ روحي اسيره ياهوانه
وبعد منريد وصلك ياهوانه
اللاكيك وتكلي ياهو انه
ابن حجام اكلك ما تهمنه

ورد قداح اهديلــــــــــك ..... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية

جدمي شله هجركـــ ماتخطه
وبكلبي سهم غدركـ ماتخطه
يدفان أعله الكبر اسمي ماتخطه
وادفني عدل شمتاني بيه

كلبي اتولع بحبك...ولع تاب
واناطر منك امسامر..ولعتاب
على بابك وكفت انة ..والعتاب
اكلك ليش؟واتكلي اشبدية

يهل روحك على الطيبات تربة
وعلى دربك تظل العين تربة
كون اكعد على امصلاك تربة
وابوسك من تحط كصتك علية

غمزتلي بعين صدك من شفتهة
وعسل تاخذ الوادم من شفتهة
على راسي لون حطت منشفتة
اطيب وما يضل كل مرض بية

تعال مفضي خلكي ونته فاضه
وعليك يفيض دمععي ونته فاضه
الك ثوره بدليلي ونتفاضه
والك يومية عركة تصير بية

ولا جنه بهذيج الدار رابين
وعيوني على الدرب يا صاح رابين
لون ضحكة الي وي اسحق رابين
جا وده التمر بسلال اليه

نسيت اللي بهذاك العمر باراك
وربك لليباري الابو باراك
لون ضحكة الي وي ايهود باراك
جا مر بالشهر مرتين اليه

من شافك جفن عيني شخص ما
طبك شيفض جدل حبك شخصما
اعلة جلدك كمت اشم ريحت شخص ما
لذالك هل تشم عطاب بيـــة

كتاب انت مقدس شتله منك
وجمال الروح صدك شتله منك
تواعدي وحصادي شتله منك
ويجيي الموعد وأظل أصفك بديه

زمان الشوم ضيعنا وضعنا
وبين النعل والحافر وضعنا
بعد هيهات ما يعدل وضعنا
عدنا الموت والعيشة سوية

منو مثلي مها بالروح وبراك
اخذ جسمي بنحول اعليك وبراك
منهوا الحاكمك ياترف وبراك
وانه ديتي عليك تصير هيه

يروحي الحزن من بعدك ضناها
مثل آم البعد عنها ضناها
إذا روحك صفت ابعد ضناها
تعال وشوف نار البعد بيه

خذت مني حبيبي البيه ساهــي
الورد خدة يصك جانون ساهـي
ولك شفته طعم ساهون ساهـي
مضغه من الطبيب اشلون بيه

من ادموعي اخذن ماي ينهار--
عميت اعله البنيته وكام ينهار--
جا يمته تجيني وتمر ينهار--
وسولفلك الليل شعمل بيه--

قفل جان اعله سر حبنه لشفتاك
قفلنــــه ولادنت شفتـي لشفتاك
تمـــر؟وبطيف شحجيلك لشفتاك
اعله خـــــــدالطيف تلكه اثار اديه

سرى الشوك ال بكلبي سراوين
وجدمج مشى الغيري وسرة وين
ادور وانشد الوادم سرى وين ؟
سرى جوة الضلع مدفونه هية

يبو حلك الكتلني كتل لولاك
مثل سمجه وشحيحة ماي لولاك
لوله بكل بشر بس انت لولاك
تنكط خجل من اتمس اديه

اغتصب مني الدهر فرحي ولي ناح
ونحت ماشفت من يبجي ولي ناح
الي خاطر كسرته انته ولي ناح
انكسر وي خاطري وطاحو سويه

كروا نهر الصدك والجذب مكروه
اخبرك بس اهل نعمان مكروه
عكب ذيج الصداكه اصبحت مكروه
انكروا طيبي وعابوني باذيه

وحك الطلكاهه بالثلث مرات
مـو مـره عشرتك ثـلث مرات
احسن بيك انته الثلث مرات
احس الثلثين الك مو الـيه

اسولف محد بربعي يعيني
واريد العون ماواحد يعيني
كافي من البجي والمن يعيني
البجيتلهم صفوا عدوان الية

ألمنيه موش الك لعداك خلها--
الشهامه مو سوالف طبع خلها--
خل انت ولعد الروح خلها--
صدك والخل قليل بهدنيه

احضره اعله الضلع اسمك وكتبه
وهجرك صار الي قســـمه وكتبــه
البـخـت طـره يلاعـبنـي وكـتبـــــه
غـلبـنــي والـعـذول اشــتمـت بــيّه
يسيل العسل صدك مرطبنه@
اذا فديوم شخصك مرطبنه@
مره تصير عله ومرطبنه@
ومره تصير انته الصيدليه

وحشه الدنيه ما تسوه بلاياك@
واحبك حتى لو كثرن بلاياك@
شلون الدومنه العبها بلايك@
وانه الدوشيش ميت بين اديه

الزمن وياي مايخلص حديثه@
طعني وشوف طعناته حديثه@
اريد انشد اهل راوه وحديثه@
واشوفهم زماني شعمل...بيه*

يدهري شبيك بحزانك تواليت@
وعلي مثل الاغم وليه تواليت@
كبل تسريحتي جانت تواليت@
وهسه اكرع صرت غصبا عليه

بس انته الاهي معتمدنه@
وعلى بنادم يربي معتمدنه@
عشنه بوكت اسود معتمدنه@
وصبرنه هواي عالدنيه الدنيه

ذبنه العوز يم دارك وصلنه@
وعليك من الدمع غركن وصلنه@
انه اترجاك لا تكطع وصلنه@
وخل وصلك يضل واصل عليه

صديقي شكد احب ضلك وفيك@
والي خبره بعمق شخصك وفيك@
محد مثلك تمضيك...وفيك@
تذب دولاب بالفيكه ...عليه

مشه حاد الضعن بل عيس وحده
وكلبي شلون يكضي الليل وحدة
اذا غيرج احب مجبور وحده
انتي وياج احبنكم سوية

كضيت الدهر مافد يوم حنيت
واديه من دموع العين حنت
يافراس وداعتك هاليوم حنيت
وشلت نار الدمع باثنين اديه

ولايـــــــــة
لون الفرح غادرنا ولاية
تضل امثبتة بكلبي ولاية
علينا الذي يشهدلة ولاية
هوى وعترتة خير البرية

منـــــــــزل
عل دربك نسير ودوم منزل
ولك كلب ليحبك صار منزل
ويا الروح ثابت دوم منزال
حبك يا علي اسم وهوية

وعيـــــــــدي
ابد ما اخالف بحبك وعيدي
ياروحي جددي بعهدج وعيدي
من اعاين كبتك فرحي وعيدي
من اشمن حضرتك عيدين الية

تاه العگل وانته تعرف ونته
ودليل0 المحب بسمك تخف ونته
محمد0 سيد الاكوان 000 ونته
وصي المصطفى وللرب وليه

دمع عيني على الخدين تم ساح*
وشوفك بالرسايل كمت تمسح*
تفرح لوتشوف انياب تمساح*
وتزعل لوشفت بسمات بيه

بحر حبك غريج وصفج بلماي
اولجلك يا حلاة الموت بالماي
اندبك والسان يصير بلماي
ما تسمع نداي شلون بيه

شهر سيف اللحظ عمدآ وحزني
جفاني اوزيد اهمومي وحزني
إلبسي اسود يبت امي واحزني
لمن يذكر ودادي ويرد ليه

بحر شريان كلي وانتة ماية...
صفر بالحب اخذتة وانتة مية....
انتسابي الك وحدك وانت ماية...
ومتى بحبك توقعلي الهوية

بيدي تحط يا ريت يداك
وحيلك علي ياخوي يداك
سمعت يدي يسولف طيب يداك
شجـاك وبعـت شـرك عليـه

تعال وصر على عيوني شبجهن
رماح الدهر وسهامة شبجهن
الناس يلكش لها بالدر شبجهن
وانة شبجي يعت محار اليه

صبور انت شجاك شدهاك شبجاك
وشلة دهرك بغضاضة وياك شبجاك
اذا انت يعت محار شبجاك
انه شبجيي يجي مكطع اليه

زمان الجان يزهي كبل مادام
وبجيت عله الخدود الروح مادام
عكبهم كلت اسم الروح مادام
مشوا عني بعد جا شلي بيه؟

مشوا عني شلي بروحي بعدهم
وكت كل غايته عني بعدهم
عيد المايحط جفه بعدهم
حرام انجان يهنه العيد اليه

حرام انجان يهنه العيد ويطيب
ولاجرح البعد يلتام ويطيب
الي بركان حدر الضلع ويطيب
يطك من تمر ذكراهم عليه

يطك من تمر ذكراهم وليراي
الي جانوا نهر عشره وليراي
لهم راي اليفاركنه وليراي
اسير ويّ الضعن ماصح بديه

اسير ويّ الضعن كصدي ولاصاح
بشر لاعدل ظل عدها ولاصاح
حده حدايهم سكته ولاصاح
حده وكطذع بكايه الروح بيه

حده وكطّع غفل روحي منحداه
وعميت وماعرف حدي منحداه
سوه ماكو فرق وحده منحداه
النوايب ذيج بيك وهاي بيه

النوايب دارن وصكن بعدكام
وكضن عشرين من عمري بعد كام؟
كضت كومه من جروحي بعد كام
يمين اجان اداويهن بديه

يمين انجان اداويهن ولاروف
وبعد لا أرحم بحالي ولاروف
تهت لاماي ظل عندي ولاروف
فقط دمع الوجد نهران بيه

فقط دمع الوجد نهران ليلاي
على اللاظم الليلو فوك ليلاي
جذب ماظن تصير بيوم ليلاي
إذا حته آنه صاير موش أليه

يضل قلبي بمحبتك دوم ينشد
يحبك بس عليك هواي ينشد
عرفت العظم من ينكسر ينشد
وانا قلبي انكسر شيشده ليه

رضينه بحال بلوانه وهمنه
سراب واظن هالدنيه وهمنه
ناس الجان احنه الهه وهم انه
جفونه وصار كل واحد نويه

هي : هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه

صدك دهري يمحبوبي تهاني
لجن كل يوم اوديلج تهاني
اذا اسمع يصيح احد تهاني
اهبن وانطفي بعلتي الخفيه

هل لك بالدليل يصير منفاك
وواضب بالسوالف ليك منفاك
تأذني اعله ريج النزل منفاك
جرعة تزيل داء المكث بيه

يطـك غيض الصبر بيه وكتما
واكل للروح ما ابجي وكت ما
تدري شوكت رجعالي وكت ما
لكاني اعمه وتكود الناس بيه

،،،

بجيت العين ويكلهم بعدما
وعدمني انوب يتباها بعدما
تركني واجه رجعالي بعد ما
لكاني جسد متسود المنيه

المصايب كومة وعلي كومتني
وطحت لاجن غيرتي كومتني
جان يشيلك بشداتك كوة متني
خلصت شدتك واغدرت بيه ؟

وحك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه

عليَّ توافدت الاحزان يومي
من نيشن عليَّ وكَام يومي
عرفت أنا أن اليوم يومي
نيشن بالعجل وأطلق عليا

الظلمني بيد ربي سلميتة
موقف جفن عيني سلميتة
العنب شيع جنازة سلة ميتة
وبجى البستان من شاف القضية

ثكل حملي ولا ضنيت خفاش
الدهر جوة الضلوع الضيم خفاش
الحمل ذاك الوديع انكلب خفاش
مص دمي وكف مكلوب بيـــة

ترف ماتلزم كلي شمس بيك
أمن ألزمك أكفر بعطرك شم أسبيك
بياضك مو ضوة احلفلك شمس بيك
لان مالك خيال اعلة الوطية

تركتك بعد ماردلك شردلك
وتصيح بصوت اسمعنك شرد لك
حبك طلع من كلبي شرد لك
والك خليه بعد مااريدة اليه

ترف كلبي يدك عليك بس تك
طير ابدونك وجنحانه بس تك
ابخدك علاجي ولون بــــستك
اطيب وما يظل كل مرض بيه

عقلي اليوم دايخ يان بيكم
وحرت لو انتو بيه يانه بيكم
ولك يامله انتم يا نبيكم
ولك حتى اليهودي حن عليه

حبيبي باب كلبك جامعتنه
وتدري الصدفة كتلك جامعتنه
سوي انت استضافة بجامعتنه
العميد يكوم ياخذلك تحية

تلوب الروح مشتاكة لهلها
ودموع الشوك بغيابك لهلها
شحال الدار لوراحو اهلها
جاوبني يهل مبعد علية

بكاس الدهر حنظل شاربينة
احتار وما لكة احد شار ابينة
انتونس للمصايب شارة بينة
ونواكحهه لحد لوح المنية

ضلام الليل لو اسدل وجاني
يطير الفكر من عندي وجاني
يلاهي انكان انه مخطئ وجاني
رحمتك واسعه وعطفك عليه

بسم الله ونبي الرحمه بدينه
يلاهي تنصر الغايب بدينه
غدينه اشتات بالعالم بدينه
لان كلنه نحب حامي الحميه

ريم انت بمراح القلب يرعاك
شهد من كد حلاتك صعب يرعاك
ادع الله صباح وليل يرعاك
ويسترك ياترف من كل اذيه

حبيبي شاخرك عني وماييت
الوسيعه ضاكت بعيني وما يت
طريح وناحل بهجرك وميت
ارحمني بصدت عيونك عليه

ماشاء واضن اليوم شئلك
وعله راسي اضن الكلب شاله
عله شعرك لو ذبيت شالك
تذب عالروح طركاعه وبليه

يمن بأروع خلق شخصك تحلة
عسن ياغالي ايامك تحلة
سؤال اسئل الك واجب تحلة
من هو الاعز من روحي الية

حرت بالعيد للغالين شهدي
عسل دنياي هم وطيب شهدي
يادنية علية شهود شهدي
روحي والكلب الهم هدية

انه بكيفك تردني ما ما تردني
وجبتني الدار غربه ما تردني
ومن كضــت ردنــي مات ردني
واموتن كلي لو كضيت اديه

حبك شامه بخدودي ودكــه
واحط بالكلب بسمارك وادكه
شكم دكه شفت منك ودكــه
ورغم كل هذا احبك مو بديه

فرق بين اليذوب بساع والصــــاك
ولاتنسى اخــوك بيوم وصـــــــاك
أسميك العلم مـــرات والصــــاك
وأرجع للعلم أخذ تحــيـه

يهل رايح لخونة وصي اخونة
ترة العذال بعدة وصخونة
وزاد المرض كلة والصخونة
واريدك بس تجي وتسال علية

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه

حلو يهيّج لهيب الروح لوفات
ويظل ساحكَـ على الدلاّل لو فات
يالاسمر لا تدور وياي لوفات
صريح آنه وتظل ذاتي وفيه

حلو يهيّج لهيب الروح لومال
يتعبني امن اشوفه بكدر.. لومال
لو ان ينباع خلّي بمهجه..لو مال
انا الشرّاي.. وعيوني الهديه.

يريت مفاركَ الخلاّن لاكان
ولا انياب الحزن بالروح لاكن
اريد اتبعهم بهالساع ..لكن!!
جفو وديارهم ضاعت عليه.

اليريد الحلو لابد.. ويامر
وحبيب الرووح يتدلل..ويامر
اصيرن نار من يبعد..ويامر
وأرد قالب ثلج لو رد اليه

مضى وكتي وبعد عندي.. وكِت لك
ودمعي ماجرى لغيرك.. وكَت لك
اكتلني عالنفط صاير.. وكتلك
الزلم خمسين والنسوان ميه

حبيب الكلب عني ليش هملان
ودمع عيني على الوجنات هملان
الحديد الماتلينه النار هم لان
اشوكلبك صخر ماحن عليه

ثمين وتبقه بعد اثمن ورثمن
وخدك بالحسن كلي ورث من
اوياك اتعارك وازعل وره ثمن
دقايق واني صبري ايخون بيه

اجروحك للشمس ياكلب شرهن
وليالي الشوقماينحمل شرهن
الك عمري رهنتة وبعد شر هن
اذا حتى العمر ماعاد الية

فل شعرك على متونك وحله
سر البي من ربك وحله
ديالى وكوت سامره وحله
يحسدوني عبنك صرت اليه

صرت ليه وسط كلبي اخليك
حبيبي شكثر احبنك واخليك
ابد مايوم تنساني اخليك
ولاشوفك ابد تبعد عليه

علي تبعد اذا تبعد تسلني
دمه دموعي على خدودي تسلني
حبيبي الروح اذا عنك تسلني
اجاوبهه كطعت الوصل بيه

تحيه اخذ وشبكنك واحضنك
وضمك حيل على صدري واحضنك
اشمك مره بوسك مره حضنك
واقدم الروح الك اجمل هديه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

» شعر عراقي جميل جداً