يلعيونك سمـــــــــــــه
وطول الحواجب ليـــــــــــــل
ضمني بسمه عيـــــونك اسهر واغفى
وياضي الوجه يالماطفيت بيوم صدكني الكمر من يشتعل يطفى
وياقوز القزح كل ساع اشوفك لون
ويمر مرات لونك بيه مااعرفه
طبع بيه الجرح أدعيله حته يطيب الك بيه جرح ادعيـــــله مايشفه
وتسئلني شعجب ماوصفتني بيوم
وانا الحاير بظلك لسه ماموصفه
من عينك ندى....
ينزل واشوفه يطيح يلتم بورود جفوفك التــــــــــرفه
تلتم علطولك كل نجوم الليـــــل ويجي ينام الكمر متوسدك صفــــــه
واضم سرك علي وماابوحن بيه واذا دمعك بعينك عيني لذرفه
ياجمار عالــــي وماأضن تنلاح
لان عثكك هدل ماشالته السعــــــــــفه
اذا بميزان انته وكل حوار العين مااضن لغيرك تنزل الكفـــــــــــــــه
احله من العسل بالشفه من تنضــــــــــاك
ومرح مثل النسيم ودمك شخـــــفه
يااول ندى ينكط شعر للروح ويالمشذر محبه وضحكتك زفه
شمس اللـــــــــه واكبـــــــــر
نزلت عله الكاع اجيت يمك
حـــــبيبي تريد تدفـــــه..؟